புதூர் ஊராட்சி ஒன்றியத்தின் வெம்பூர் பகுதியில் ரூ.17.10 லட்சம் மதிப்பீட்டில் அங்கன்வாடி மைய கட்டிடம் ரூ.19.60 லட்சம் மதிப்பீட்டில் பேவர் பிளாக் சாலை அமைக்கும் பணி என இரண்டு முக்கியமான திட்டங்களுக்கான அடிக்கல் நாட்டும் நிகழ்வு விளாத்திகுளம் சட்டமன்ற உறுப்பினர், சட்டமன்ற சட்ட விதிகள் ஆய்வுக் குழு தலைவர், தலைமை செயற்குழு உறுப்பினர் G.V. மார்கண்டேயன் தலைமையில் நடைபெற்றது.

நிகழ்வில் புதூர் வட்டார வளர்ச்சி தினகரன், புதூர் மேற்கு ஒன்றிய செயலாளர் மும்மூர்த்தி, புதூர் கிழக்கு ஒன்றிய செயலாளர் செல்வராஜ், ஒன்றிய அவைத் தலைவர் பொன்ராஜ், வடக்கு மாவட்ட நெசவாளர் அணி துணை அமைப்பாளர் லட்சுமணன், வடக்கு மாவட்ட அயலக அணி துணை அமைப்பாளர் அழகுராஜ், வடக்கு மாவட்ட மாணவரணி துணை அமைப்பாளர் ஆகாஷ்பாண்டியன், கிளைச் செயலாளர்கள் மாரிச்சாமி, கணேசன், ஒன்றிய மகளிர் தொண்டரணி அமைப்பாளர் ராம்கோணம்மாள், மகளிர் அணி உறுப்பினர்கள் வசந்தா, மாரிஸ்வரி உள்ளிட்ட கழக நிர்வாகிகள் மற்றும் பொதுமக்கள் கலந்து கொண்டனர்.