தூத்துக்குடி–திருச்செந்தூர் மெயின் ரோட்டில் உள்ள எஸ்.எம்.புரம் 4-வது தெருவில் அமைந்துள்ள ஷாரோன் நர்சரி & பிரைமரி பள்ளியில், பெருந்தலைவர் கர்மவீரர் காமராஜரின் 124-வது பிறந்த நாள் "கல்வி வளர்ச்சி நாள்" விழாவாக சிறப்பாகக் கொண்டாடப்பட்டது.
விழாவிற்கு பள்ளியின் தாளாளர் பிராங்கிளின் ஜோஸ் தலைமை தாங்கினார். பள்ளியின் முதல்வர் அஜித் சிறப்புரையாற்றி, காமராஜர் கல்விக்காக ஆற்றிய மகத்தான பணிகள் மற்றும் மாணவர்கள் அவரது உயர்ந்த பண்புகளைப் பின்பற்ற வேண்டியதன் அவசியத்தை எடுத்துரைத்தார்.
இந்த நிகழ்வை பள்ளி ஆசிரியர்கள் சிறப்பாக ஒருங்கிணைத்தனர். பள்ளி மாணவ, மாணவிகள் பல்வேறு கலைநிகழ்ச்சிகளில் ஆர்வமுடன் பங்கேற்று தங்களது திறமைகளை வெளிப்படுத்தினர்.
காமராஜர் பிறந்த நாளை முன்னிட்டு ஆங்கிலம், தமிழ், ஹிந்தி மற்றும் ஓவியப் போட்டிகள் நடத்தப்பட்டன. போட்டிகளில் வெற்றி பெற்ற மாணவர்களுக்கு நேஷனல் டேலன்ட் அகாடமி சார்பில் சான்றிதழ்கள், கேடயங்கள் மற்றும் தங்கப் பதக்கங்கள் வழங்கப்பட்டு பாராட்டப்பட்டனர்.
நிகழ்ச்சியின் நிறைவில் அனைத்து மாணவர்களுக்கும் இனிப்புகள் வழங்கப்பட்டன. கல்வியின் முக்கியத்துவத்தை எடுத்துரைக்கும் வகையில் நடைபெற்ற இவ்விழா மாணவர்கள், ஆசிரியர்கள் மற்றும் பெற்றோர்களிடையே பெரும் வரவேற்பைப் பெற்றது.
