தூத்துக்குடி ஹோலி கிராஸ் ஹோம் சயின்ஸ் கல்லூரியின் உணவு, ஆரோக்கியம் மற்றும் உடற்தகுதி குழு சார்பில், ஆசிரியர்கள் மற்றும் மாணவிகளுக்கான மருத்துவ பரிசோதனை முகாம் வியாழக்கிழமை (16.07.2026) கல்லூரி AV Hall-ல் சிறப்பாக நடைபெற்றது.
காலை 9 மணி முதல் மதியம் 2 மணி வரை நடைபெற்ற இந்த முகாமின் முக்கிய நோக்கம், ஆசிரியர்கள் மற்றும் மாணவிகளின் உடல்நிலையை மதிப்பீடு செய்து, நோய்களை ஆரம்ப நிலையிலேயே கண்டறிந்து, ஆரோக்கியமான வாழ்க்கை முறையை ஊக்குவிப்பதாகும்.
முகாமில் உடல் நிறை குறியீட்டு (BMI) பரிசோதனை, ஹீமோகுளோபின் (இரத்தச்சோகை) பரிசோதனை, இரத்த சர்க்கரை (நீரிழிவு) பரிசோதனை மற்றும் இரத்த அழுத்த பரிசோதனை உள்ளிட்ட பல்வேறு மருத்துவ பரிசோதனைகள் மேற்கொள்ளப்பட்டன.
பரிசோதனைக்குப் பின்னர் மருத்துவர்கள் ஒவ்வொருவரின் பரிசோதனை முடிவுகளையும் விளக்கி, அவர்களின் உடல்நிலைக்கேற்ப தனிப்பட்ட மருத்துவ ஆலோசனைகளை வழங்கினர். மேலும், சத்தான உணவுப் பழக்கம், ஆரோக்கியமான வாழ்க்கை முறை மற்றும் நோய் தடுப்பு நடவடிக்கைகள் குறித்து விழிப்புணர்வும் ஏற்படுத்தப்பட்டது.
இந்த மருத்துவ முகாமில் கல்லூரி ஆசிரியர்கள் மற்றும் மாணவிகள் ஆர்வத்துடன் கலந்து கொண்டு தங்களது உடல்நிலையை பரிசோதித்துக் கொண்டு பயனடைந்தனர். அனைவரின் ஒத்துழைப்புடன் நடைபெற்ற இந்த மருத்துவ பரிசோதனை முகாம் வெற்றிகரமாக நிறைவடைந்ததுடன், உடல்நல விழிப்புணர்வை மேம்படுத்தும் பயனுள்ள முயற்சியாக அமைந்தது.
