“டிவியிலே தினமும் பார்க்குறவங்க… இங்க நேரிலே வந்தாச்சு!” – பெண்களிடம் நகைச்சுவையுடன் உரையாடிய சண்முகையா எம்எல்ஏ – வர்த்தகரெட்டிபட்டியில் சாலை விரிவாக்க பணிகள் தொடக்கம்!!

ஒட்டப்பிடாரம் சட்டமன்ற தொகுதி தூத்துக்குடி ஊராட்சி ஒன்றியத்தின் வர்த்தகரெட்டிபட்டி விலக்கில், வாகைக்குளம்–பேரூரணி சாலையை 0/0 முதல் 1/5 வரை ஒருவழித் தடத்திலிருந்து இடைவழித் தடமாக மாற்றும் பணிகள், மக்களுடன் கலந்து பழகுவதில் தனி ருசி கொண்ட சண்முகையா எம்எல்ஏவின் கொடியசைவுடன் ஆரம்பமானது.

பணிகள் துவக்கத்திற்கு பிறகு, மகாத்மா காந்தி தேசிய வேலை உறுதி திட்டத்தில் பணிபுரியும் பெண்கள் குழுவை நேரிலேயே சந்தித்து பேசினார் எம்எல்ஏ.
“உங்க பிரச்சனையை நீங்க சொல்லணும்… சொல்லினால்தான் என் வேலை ஓடும்!” என்று நகைச்சுவையுடன் தொடங்கிய அவர், பெண்களின் தேவைகளையும் அடிப்படை வசதிகள் குறித்த சிக்கல்களையும் கவனமாக கேட்டறிந்தார்.

அந்த நேரத்தில் வயதான பெண் ஒருவர், “அம்பேத்கர் நகர் பகுதியில் மின்சாரம் வராம சிரமப்படறோம் பாட்டலே!” என்று சொன்னதும், எம்எல்ஏ உடனே மின்அதிகாரிகளை அழைத்து, “இப்பவே செஞ்சுடணும்!” என்று அறிவுறுத்தினார்.

பின்னர் அனைவரையும் பார்த்து, “எப்போ வேண்டுமானாலும் என்னை நேரிலோ, போனிலோ அழைக்கலாம்… நான் டிவி ஸ்டார் மாதிரி பார்ப்பதற்கல்ல, உங்க வேலை செய்யதான் இருக்கேன்!” என்று நகைச்சுவை கலந்து நம்பிக்கை அளித்தார்.

அதே சமயம், கூட்டத்தில் இருந்த ஒரு முதியவர் “தம்பி உங்களை நான் டிவியில் ரொம்ப நாளா பார்க்கிறேன்!” என்றதும், அந்த இடமே சிரிப்பலையால் முழங்கியது. எம்எல்ஏவும் புன்னகையுடன் “ரொம்ப சந்தோஷம்… அப்படியே நல்லா பாருங்க!” என்று பதில் தெரிவித்தார்.

முன்னதாக சாலை ஓரங்களில் மரக்கன்றுகள் நட்டு பசுமை வளர்ப்புப் பணிகளையும் தொடங்கி வைத்தார்.

இந்நிகழ்ச்சியில் நெடுஞ்சாலைத் துறை உதவி பொறியாளர் ஜெயஜோதி, சாலை ஆய்வாளர் பூல்பாண்டியன், ஒன்றிய கழக செயலாளர் சுப்பிரமணியன், துணை செயலாளர் நாராயணன், மாவட்ட பிரதிநிதி கணேசன், கலை இலக்கிய அணி துணை அமைப்பாளர் ஆறுமுகம், தகவல் தொழில்நுட்ப அணி வசந்த், இளைஞரணி பரியேறும் பெருமாள் உள்ளிட்ட பலர் கலந்து கொண்டனர்.