தூத்துக்குடி பத்திரகாளியம்மன் கோவில் தெருவில் சாலைப் பணிகளை நேரில் பார்வையிட்ட அமைச்சர் கீதாஜீவன்!!

தூத்துக்குடி மாநகரம் 39வது வார்டுக்கு உட்பட்ட பத்திரகாளியம்மன் கோவில் தெருவில் பேவர் பிளாக் சாலை அமைக்கும் பணிகள் வேகமாக நடைபெற்று வருகின்றன. இந்தப் பணிகளை சமூக நலன் மற்றும் மகளிர் உரிமைத்துறை அமைச்சர் மற்றும் தூத்துக்குடி வடக்கு மாவட்ட திமுக செயலாளருமான கீதா ஜீவன் நேரில் பார்வையிட்டு ஆய்வு செய்தார்.

பணிகள் குறித்த விவரங்களை மாநகராட்சி பொறியாளர்களிடமிருந்து அமைச்சர் கேட்டறிந்தார். சாலைத் தரம், வடிகால் அமைப்பு மற்றும் பொதுமக்கள் பயன்பாட்டுக்கான வசதிகள் குறித்து ஆலோசனை மேற்கொண்டார்.

அமைச்சருடன் மாநகர திமுக செயலாளர் ஆனந்தசேகரன், மாவட்ட பிரதிநிதி சக்திவேல், மாவட்ட கலை இலக்கிய பகுத்தறிவு பேரவை துணை அமைப்பாளர் சோமு, வட்டக் கழக நிர்வாகி மாரிமுத்து உள்ளிட்டோர் கலந்து கொண்டனர்.

பொதுமக்களின் போக்குவரத்துக்கும் வசதிக்கும் இந்தப் புதிய பேவர் பிளாக் சாலை பெரிதும் உதவும் என எதிர்பார்க்கப்படுகிறது.