புதியம்புத்தூர் கிராம மக்களின் நீண்ட நாள் கோரிக்கையாக இருந்து வந்த புதியம்புத்தூர் – நடுவை சாலை சீரமைப்பு பணிகள் நிறைவேற்றப்பட்டதை தொடர்ந்து, அந்தப் பகுதி மக்களிடையே மகிழ்ச்சியும் நன்றியும் வெளிப்பட்டு வருகிறது.
பல ஆண்டுகளாக குண்டும் குழியுமாக இருந்து வந்த இந்த சாலை, மழைக்காலங்களில் பயணத்திற்கு பெரும் சிரமத்தை ஏற்படுத்தி வந்தது. பள்ளி மாணவர்கள், விவசாயிகள், பொதுமக்கள் மற்றும் வாகன ஓட்டிகள் அனைவரும் தினந்தோறும் பாதிப்பை சந்தித்து வந்த நிலையில், இந்த சாலையை சீரமைக்க வேண்டுமென தொடர்ந்து கோரிக்கை விடுத்து வந்தனர்.
மக்களின் அந்த கோரிக்கையை கவனத்தில் கொண்டு, M.C. சண்முகையா MLA மேற்கொண்ட முயற்சியின் பயனாக, தற்போது புதியம்புத்தூர் – நடுவை சாலை சீரமைக்கப்பட்டு பொதுமக்கள் பயன்பாட்டிற்கு வழங்கப்பட்டுள்ளது. இதன் மூலம் போக்குவரத்து வசதி மேம்பட்டதுடன், கிராமத்தின் வளர்ச்சிக்கும் முக்கிய ஆதாரமாக இந்த சாலை அமைந்துள்ளது.
சாலை சீரமைப்பு நிறைவேற்றப்பட்டதையடுத்து, புதியம்புத்தூர் மற்றும் சுற்றுவட்டார பகுதி மக்கள், M.C. சண்முகையா MLA அவர்களுக்கு தங்களது மனமார்ந்த நன்றியை தெரிவித்து வருகின்றனர். “நீண்ட நாள் கனவு நிறைவேறியது” என மகிழ்ச்சியுடன் தெரிவித்த பொதுமக்கள், இந்த சாலை வளர்ச்சிப் பாதையில் புதியம்புத்தூரை முன்னேற்றும் என நம்பிக்கை வெளியிட்டுள்ளனர்.
