வீரத்தை வணங்கும் விழா – வீரபாண்டிய கட்டபொம்மன் நினைவு தினத்துக்கு அழைப்பிதழ் வழங்கல்!!

தூத்துக்குடி மாவட்டம் முழுவதும் அக்டோபர் 16ஆம் தேதி வீரபாண்டிய கட்டபொம்மன் நினைவு தினம் சிறப்பாக அனுசரிக்கப்பட உள்ளது. இதனை முன்னிட்டு, வீரபாண்டிய கட்டபொம்மன் நினைவு அறக்கட்டளை சார்பில் பல்வேறு ஏற்பாடுகள் நடைபெற்று வருகின்றன.

இந்நிகழ்வில் கலந்து கொண்டு வீரபாண்டிய கட்டபொம்மனுக்கு நினைவு அஞ்சலி மரியாதை செலுத்துமாறு, அகில இந்திய ஃபார்வர்டு பிளாக் தேசிய செயலாளர் மற்றும் மாநில பொருளாளர் ஸ்ரீவை சுரேஷ் தேவர் அவர்களுக்கு, வீரபாண்டிய கட்டபொம்மன் நினைவு அறக்கட்டளை சார்பில் அழைப்பிதழ் வழங்கப்பட்டது.

நினைவு தின நிகழ்ச்சியில் வீரபாண்டிய கட்டபொம்மனின் தேசபக்தி, தியாகம், வீரச்செயல்கள் குறித்து உரைகள், நினைவு அஞ்சலி நிகழ்வுகள், இளைஞர்களுக்கான விழிப்புணர்வு நிகழ்ச்சிகள் என பல்வேறு நிகழ்வுகள் நடைபெறவுள்ளன.

இவ்வழைப்பிதழ் வழங்கும் நிகழ்வில் வீரபாண்டிய கட்டபொம்மன் நினைவு அறக்கட்டளை நிர்வாகிகள் பலரும் கலந்து கொண்டு தங்கள் ஒத்துழைப்பை வழங்கினர்.