அண்ணா பழைய பேருந்து நிலையத்தில் மேம்பாட்டு பணிகள் – மேயர் ஜெகன் பெரியசாமி ஆய்வு!!

தூத்துக்குடி மாநகராட்சிக்குட்பட்ட அண்ணா (பழைய) பேருந்து நிலையத்தில் புதிதாக அமைக்கப்பட்ட சுகாதார வளாகமும், பாதுகாப்பு முன்னேற்பாடாக பொருத்தப்பட்ட கண்காணிப்பு கேமராக்களும் பரிசோதனைக்காக நேரில் பார்வையிடப்பட்டன.

மக்களுக்கான அடிப்படை வசதிகளை மேம்படுத்தும் திட்டத்தின் ஒரு பகுதியாக மேற்கொள்ளப்பட்ட இந்த பணிகள் முழுமையாக நிறைவு பெற்றுள்ள நிலையில், அவற்றின் செயல்திறன், பராமரிப்பு நிலை, பாதுகாப்பு அமைப்புகள் ஆகியவற்றை மேயர் ஜெகன் பெரியசாமி நேரில் சென்று ஆய்வு செய்தார்.

பேருந்து நிலையத்தில் சுகாதார வசதிகள் தூய்மை மற்றும் பொதுமக்கள் பயன்பாட்டிற்கு எளிதாக உள்ளனவா என்பதையும், பெண்கள் மற்றும் பொதுமக்களின் பாதுகாப்பை உறுதிப்படுத்த பல்வேறு பகுதிகளில் பொருத்தப்பட்டுள்ள புதிய CCTV கேமராக்களின் செயல்பாடுகளையும் அவர் பரிசோதித்தார்.

இந்த ஆய்வில் கழக நிர்வாகிகள், வியாபாரிகள் மற்றும் பொதுமக்களும் இணைந்து பங்கேற்றனர்.