தூத்துக்குடி அரசு மருத்துவக் கல்லூரி மருத்துவமனையில் சித்த மருத்துவப் பிரிவு சார்பில் 9வது சித்த மருத்துவ தினம் சிறப்பாக கொண்டாடப்பட்டது. இவ்விழாவில் சித்த மருத்துவத்தின் பாரம்பரியமும் அதன் அறிவியல் அடிப்படையிலான மருத்துவப் பயன்களும் குறித்து விரிவாக எடுத்துரைக்கப்பட்டது.
சித்த மருத்துவ தினத்தின் சிறப்பை குறித்து சித்த மருத்துவ அலுவலர் லதா அவர்கள் உரையாற்றி, நோயற்ற வாழ்வுக்கும் இயற்கையோடு இணைந்த ஆரோக்கிய வாழ்க்கை முறைக்கும் சித்த மருத்துவம் வழங்கும் பங்களிப்புகளை விளக்கிக் கூறினார். தொடர்ந்து ஆயுர்வேத மருத்துவ அலுவலர் ஜான் மோசஸ், ஆயுஷ் மருத்துவத்தின் வாழ்வியல் முறை, உணவுப்பழக்கம் மற்றும் உடல்–மனம்–ஆவி ஒருங்கிணைந்த நலவாழ்வு குறித்து விளக்கினார்.
இந்த நிகழ்வில் மருந்தாளுநர்கள் சுப்புலட்சுமி, சுமித்ரா, சாந்தி, மருத்துவப் பணியாளர் சுப்பிரமணியன், அலுவலக உதவியாளர் மனோ உள்ளிட்டோர் கலந்துகொண்டனர். மேலும் ஏராளமான பொதுமக்கள் விழாவில் பங்கேற்று சித்த மருத்துவம் குறித்த விழிப்புணர்வை பெற்றனர்.
நிகழ்வின் முடிவில் பங்கேற்ற அனைவருக்கும் இயற்கை உணவுகள் வழங்கப்பட்டு, சித்த மருத்துவத்தின் இயற்கை சார்ந்த ஆரோக்கிய தத்துவம் வலியுறுத்தப்பட்டது.
