மழை வந்தாலும் மந்தம் இல்லை - மாநகரம் முழுக்க பாயும் பணி!

தூத்துக்குடி மாநகர் மற்றும் புறநகர் பகுதிகளில் திடீரென பெய்த 4.8 செ.மீ கனமழையினால், மாநகரின் பல பகுதிகளில் மழைநீர் தேங்கியிருந்தது. தற்போது மாநகருக்குள் உள்ள 14 முக்கிய வழித்தடங்கள் வழியாக அந்தப் பகுதிகளில் இருந்து மழைநீர் வெளியேறிக் கொண்டிருக்கிறது.

இதனால், மாநகரப் பகுதியில் தேங்கியிருந்த நீர்மட்டம், அந்த வழித்தடங்களில் பாயும் நீரின் அளவு குறைந்தவுடன் படிப்படியாக குறையும் என தெரிவிக்கப்பட்டுள்ளது.

இது குறித்து தூத்துக்குடி மேயர் ஜெகன் பெரியசாமி தெரிவித்ததாவது “மழைநீர் வெளியேற்றப் பணிகள் அனைத்தும் துரிதப்படுத்தப்பட்டுள்ளன. மாநகரின் எந்தப் பகுதியிலும் நீர் தேங்காமல் இருக்க நிர்வாகம் கண்காணிப்பு மேற்கொண்டு வருகிறது,” என்றார்.